NUSU FAINALI COPPA ITALIA; Juventus yatoka nyuma na kuifunga Napoli….

JUVENTUS  ilitoka nyuma 1-0 na kufunga magoli  matatu  kipindi  cha  pili na kuifunga  SSC Napoli  3-1 katika  mchezo  wa  nusu  fainali  ya  kwanza ya  Coppa  Italia  usiku  wa  Jumanne  hii  katika  uwanja  waJuventus,  Turin.

Jose Maria Callejon  aliwapa  Napoli  uongozi  wa  mchezo dakika  ya 36’   huku  kipa  Pepe  Reina akifanya kazi  nzuri  kipindi  cha  kwanza  kwa  kuzuia  nafasi  nyingi  za  magoli  kutoka  kwa  Paulo  Dyabala  na  Gonzalo  Higuain.

 Dakika  ya  13’,  Reina  alizuia  mpira  wa  kichwa  uliopigwa  na Mario Mandzukic , nusu  saa  baadae Reina  alifuta  nafasi  ya  wazi  ya  Kwadwo  Asamoah.  Pasi  za  ‘One-Two’  kati  ya   Lorenzo  Insigne  na Arkadiusz Millik  zilitengeneza  nafasi  ya  kupatika  goli  pekee  la  Napoli dakika tisa  kabla  ya  mapumziko. 

 Paulo Dyabala  alifunga  kwa  penalty dakika  mbili baada  ya  kuanza  kwa  kipindi  cha  pili  baada  ya  kuchezewa  vibaya  na  mlinzi  wa  Napoli  Kalidou Koulibaly. Mshambulizi  wa  zamani  wa  Napoli,  Muargentina, Gonzalo  Huguain alifunga  goli  la pili dakika  ya  64’.

Dybala  akafunga  goli  la  tatu  kwa  mkwaju  wa  penalty  dakika  ya  69’ na  kuihakikishia  Juventus  ushindi  wa  3-1  katika  nusu  fainali  ya  kwanza.