Messi apiga la 20 Barca ikiimaliza Atletico, Morata airudisha kileleni Real Madrid

 

LEONEL  Messi  alifunga  goli lake  la  20  msimu  huu  katika  ligi  kuu  ya  Hispania  na  kuisaidia  FC  Barcelona  kuibuka  na  ushindi  muhimu Estadio Vicente Calderondhidi  ya  wenyeji  Atletico  Madrid.

 Kiungo  Mbrazil, Rafinha  aliifungia  Barca  goli  la  uongozi  dakika  ya  64’  kwa  msaada  wa  Luis  Suarez  lakini  goli  hilo  lilidumu  kwa  dakika  sita  tu  kabla  ya  mlinzi Diego Godin  kusawazisha  dakika  ya  70’  kwa  msaada    wa  kiungo , Koke. 

 Messi  akafunga  goli  la  ushindi  zikiwa  zimesailia  dakika  tatu  mchezo  kumalizika  na  kuifanya  Barcelona  kufikisha  alama  54  ambazo  ziliwapeleka  kileleni  kwa  muda  kabla  ya   Real  Madrid  kuwavaa  Villareal.

MORATA  AIBEBA  REAL

 REAL  Madrid  walilazimika  kucheza  ‘kufa  na kupona’  ili  kuepeka  kipigo  cha  tatu  msimu  huu  katika  La Liga  baada  ya  kuwa  nyuma  2-0  dhidi  ya  Villareal  katika  dimba  la Estadio de la  Ceramica. Timu  hizo  zilikwenda  mapumziko  zikiwa  suluhu-tasa  na  kufikia  dakika  ya 56’  wenyeji  walikuwa  mbele  2-0.

 Manuel Trigueros alifunga  goli  la  kwanza  dakika  ya  50’, Cedric Bakambu akaongeza  la  pili  dakika  ya  56’ .  baada  ya  kufungwa magoli  hayo  mawili  kocha  wa  Real,  Zinedine  Zidane  alimtoa  kiungo  wake  wa  ulinzi  Casemiro  na  kumpa nafasi  Isco dakika  ya  58’.

 Mabadiliko  hayo  yalikuwa  na  maana  kwani  Gareth  Bale  alifunga  goli  la  kwanza  dakika  ya  64’  kwa  msaada  wa  mlinzi  Daniel Carvajal.  Hilo  ni  goli  la  pili  mfululizo  kwa  Bale  ambaye  amerejea  uwanjani  wiki  iliyopita  baada  ya  kuuguza  majeraha  kwa  miezi mitatu.

 Mwanasoka  bora  wa  dunia, Cristiano  Ronaldo  alifunga  goli  lake  la  16  msimu  huu  katika  La  Liga  huku  likiwa  goli  la  kusawazisha  dakika  ya  74’. 

 CR7  alifunga  goli  hilo  kwa  mkwaju  wa  penalty. Pasi maridadi  ya  mlinzi  wa  kushoto   Marcelo  ilitumiwa  vizuri  na  Alvaro Morata  ambaye  alifunga  goli  la  tatu  zikiwa  zimesalia  dakika saba  mchezo  kumaliziika  na  kuirudisha  Real  Madrid  kileleni wakiwa  na  pointi 55.

 MATOKEO  YOTE  YA  LA  LIGA  WIKENDI  ILIYOPITA HAYA  HAPA

February 24

FT Las Palmas 0 - 1  Real Sociedad February 25 FT Alaves 2 - 1  Valencia FT Real Betis 1 - 2  Sevilla FT Leganes 4 - 0  Deportivo La Coruna FT Eibar 3 - 0  Malaga February 26 FT Espanyol 3 - 0  Osasuna FT Atletico Madrid 1 - 2  Barcelona FT Athletic Bilbao 3 - 1  Granada FT Sporting Gijon 1 - 1  Celta Vigo FT Villarreal 2 - 3  Real Madrid